18.04.2024
Det var flytryggingsmøte i Bømoen flyklubb torsdag 18.04.
Tema for møtet finn du her.
Det vart også ein rask gjennomgang av kva som er nytt i sportsflyhandboka, t.d. 600-kilosregelen, flyging on top og nattflyging. Dessutan litt om om den nye driftshandboka. Presentasjonen av dette finn du her.
22.11.2023
Under verksemdskontrollen 12.10 2023 vart klubben oppfordra til å utarbeide nødprosedyrar for
motorkutt ved klubben sine eigne plassar, dvs. Bømoen.
Det er gjort, og nødprosedyrane er oppslege i klubbhuset. Du kan også laste dei ned her:
16.11.2023
Det blir medlemsmøte 16.11 kl. 18 i klubbhuset.
Sak: Gjennomgang av rapporten etter verksemdskontrollen av klubben.
​
09.11.2023
Følgjande dokument, handbøker og informasjon skal finnast om bord på kvar flyging, i original eller som kopi, med mindre noko anna er oppgitt:
1) flygehandbok eller tilsvarande dokument,
2) flygeløyve i original,
3) forsikringsbevis i original,
4) løyve til bruk av radioutstyr viss installert,
5) teknisk loggbok,
6) detaljar om eventuell ATC-reiseplan,
7) oppdaterte og eigna luftfartskart for den føreslegne flygeruta og alle ruter det er rimeleg å vente at flyginga kan omdirigerast til,
8) avskjæringskort i henhold til SERA.11015.
9) Sjekklister inkl. naudsjekklister og sjekkliste for landing på vatn.
​
For flygingar med start og landing på same flyplass/driftsstad, kan dokument og den informasjonen som er nemnde i punkta 1, 4, 5, 6, 7 og 8 oppbevarast på flyplassen eller driftsstaden.
​
Dokument som piloten skal ha med seg:
1) Personleg loggbok
2) Gyldig sportsflylisens
3) Flytelefonisertifikat (integrert i LAPL-A og PPL)
4) Eventuelt kursbevis for PFLY
​
28.09.2023
I veke 41 vil det blir verksemdskontroll av klubben. Ein seniorkontrollant kjem for å sjå til at vi ha alt på stell. Det vil mellom anna bli plukke ut to tilfeldige pilotar og to tilfeldige fly for nærare kontroll. Det gjeld å ha alle papir i orden.
​
01.08.2023
Sportsflyhandboka (sikkerheitssystemet) er komen i ny versjon (SFHB 8.0.5), gyldig frå 01.08.2023.
Leg merke til at det er endra krav for å vedlikahlde passasjerrettane. No krevst det berre tre avgangar og landingar dei siste 90 dagane for å kunne ta med passasjer.
​
​
​